اسلوب الالقاء ممتاز ويتميز بسهولة وصول المعلومات 

رأي شخصي : لدي عتب على جامعة .xxxxxxالتي أضعت 10 سنوات من عمري فيها ظنا بي أني قد أستفدت من بنك معلوماتها .... ولكن وبكل صراحة الجلسات المكثفة التي حضرتها لدى الأستاذ أمير وكنت ملتزم بها ... 

أظنها كانت أفضل من كل هذه السنوات الاضافية التي أضعتها خلال ال5 سنوات الأخيرة ضمن الجامعة ...لأنني لم أجد مدرسين أو دكاترة جدين بالعمل .....عدا البعض منهم ........

شكرا من القلب أستاذ أمير على بنك المعلومات الذي اختصر سنوات الدراسة جميعا 

ولنا لقاءات كثيرة ضمن كورسات قادمة ان شاء الله 🧡

ايصال الأفكار بسلاسة :اي 🤩و زائد مليون نقطة ايجابية انو حسنا نحضر ونحنا ببيوتنا 

الله يجزيك كل خير استاذنا ويجبر خاطرك عنجد معرفتنا الك خلال هالفترة القصيرة كانت أحلا معرفة ماشاء الله حسنت باسلوبك تخلينا نحب ونستنى الدرس ليجي تاني نهار صح دوبنا نلحق ندرس بس يمكن لو كان الكورس بوقت مو مكثف هيك كما أكيد أخدنا وقتنا وزيادة شكرا ع كل معلومة أخدناها منك وكل فكرة طرحتها كانت بمثابة كنز معنا الله لا يضيعلك تعبك معنا وان شاء الله بتلاقي نتيجة تعبك علينا عن قريب يارب .. 🌸🌸 من نجاح لنجاح أكبر يارب استاذ بستاهل كل خير 

أستاذ أمير المحترم

رغم أنه كانت فترة قصيرة🥺❤ لكن انبسطت فيها كتير رغم التعب فرحانة إني تعرفت على إنسان متل حضرتك استفدت منه الكثير بتمنالك كل التوفيق أستاذي الغالي و الله يفتح عليك أبواب الرزق من أوسعها يارب كل الخير يرافقك أنت و عائلتك الكريمة لأنك بتستاهل و عامل جهد واضح و كبير لحتى قدرت تكون معنا بكامل طاقتك كل هي الفترة و كنت عم تعطينا من قلب و رب الله يوفيك عنا و يجزيك الخير  يمكن الأيام  ترجع تجمعنا مع حضرتك و يمكن لأ بس بكل الأحوال أثرك الطيب و الحلو ترسخ بذاكرتي و انربط بذكرى مرحلة من عمري كنت الداعم فيها و المؤسس و تركت ضحكة على وجهنا بكل الأيام.. بفرح لما ارجع اتذكر الأوقات بالجلسات اللطيفة ❤❤ بتمنالك تحقيق الأمنيات دايماً و نشوف اسمك عم يلمع أكتر و أكتر 😍❤

طالبتك هديل ناصر🌸

اسلوب الشرح و الالقاء اكثر من رائع تم ايصال معلومات معقدة بطرق بسيطة وسهلة جعلتها راسخة بشكل كامل على عكس الطرق التي تجعل المعلومات تنتسى بعد وقت من تلقيها 

٢_  الاستاذ المهندس امير الدين برأي شخصي متمكن بدرحة فوق ال٩٥ بالمية من مجال دراسته و من المعلومات المعمارية الشاملة و مثال يحتذى به جعلني ارغب بإعادة دراسة العمارة من الصفر في دمشق من كثر انبهاري بجدارة الاستاذ

٣_ الحقيبة التدريبية كانت متكاملة جدا حصلنا خلال فترة وجيزة على معلومات قيمة و متكاملة على المنحى النظري و العملي معا 

٤_ اول تجربة اخوضها في كورسات الاونلاين تجربة رائعة استطاع المدرب السيطرة على الجلسة وضبط الميتنغ و تقديم المعلومات بطريقة سلسة جدا جدا 

اتمنى المداومة على حضور الكورسات المقدمة من قبل الاستاذ امير الدين الحمامي للاستفادة الدائمة من خبراته الكثيرة والكبيرة 

رأي الذاتي استاذ امير كان معما استاذ و أخ وصديق اتحملنا و ساعدنا و راعى ظروفنا عاملنا بانسانيتو المطلقة بالدرجة الاولى وبخبرتو ومهاراتو العالية بالدرجة الثانية هاد الكورس عطاني معلومات ماكنت احلم اعرفها من قبل  و خلاني كون فخورة جدا اني بقدر قول انا من طلاب الاستاذ امير لانو هيدي لحالا اضافة مشرفة على مسيرتي الدراسية شكرا كتير على كلشي قدمتلنا ياه انشالله مابضيع تعبك معنا و منجيب نتائج تفرحك بتمنى كون على حضور دائم لجميع كورساتك الله يكتبلك كل الخير و النجاح الدائم استاذي المحترم

حضرتك من أروع الأشخاص وأكترون حرفية لتعرفت عليون ولدورة كان المكسب أنو تعرفت بحضرتك شخص عملي لأبعد الحدود وتعلمت منك كتير شغلات و انشاء الله أنا معك بكافة الكورسات الباقية وشكرا من القلب 

كفكرة اونلاين ممتازة بالنسبة الي كون منطقتي قليل جدا لاقي دورات تخص العمارة وتكون بهالمستوى الممتاز 

اسلوب التدريس أكيد the best شرح كل الفاصيل بدون ملل.دعم معنوي , مراجع ومعلومات موثوقة 

مبسوطة كتير ومحظوظه كتير أني تعرفت على أستاذي المهندس أمير الدين بنهاية مشواري الجامعي 

شكرا لأخلاصك 🧡

رأي الشخصي : أستاذي اتقدم بشكري وامتناني ومحبتي لما قدمته لي من جهد ونصح ومعرفة في هذه الفترة , وامدادي بالدعم الازم لتخطي الأمر وارشادي لأقدم بما يميز انني كنت طالبتك .

من ارفع له قبعة التميز استاذي المعياري أمير ... 🧡 

الكورس كان جدا مميز وسلس ترتبية الأفكار مع اسلوب الطرح الاعطاء مع طريقة الشرح لتسهيل الربط 

اهم شي كنا مع صديق عم يشرحلنا بكل عفوية 🥰

رغم هالفترة  القصيرة بس رجعتلي فيها خمس سنين بكل ذكرياتهم ومحاضراتهم ودكاترتهم 🥹

معرفتك قريبة بس بصمتها صارت أبعد من خمس سنين جامعة استاذي ... 

بتمنى يكون الك مكان بالكادر التعليمي للجامعه لتترك أثرك الرائع عند عدد طلاب اكتر ممنا 

🫣🥰

رأيي باسلوب الالقاء : 1000000000 من 5 

مبدع في طريقة التقديم و توصيل جميع المعلومات للطلاب بشكل تفصيلي ومريح وبطرق مرح ومزح وباسلوب جدا حضاري وأنيق 

الله يوفقك وان شاء الله من نجاح لنجاح أستاذ أمير ❤️

استاذي المتميز بتشكرك كتير ع الكورس الممتع وتعبك معنا وحرصك على حصول طلابك اعلى العلامات انشاء الله بنرفع راسك يارب وكتير حبيت أسلوب الاعطاء ,طريقة ايصالك للمعلومات رغم صعوبة المنهاج قدرت توصل المعلومات بطريقة حلوة وسلسة وفكاهية نوعا ما 😅انشاء الله بنجيب علامات عالية وما بنخيبلك ظنك وبتمنالك عطول التوفيق أستاذي 💜💜

أستاذ أنت من الناس الي بتشرف اني عرفتن حدا ناجح ومعطاء وبتحب تطلع الطلاب بأبهى صورة من علم وشغل بالكورس ,حأزعل أنو خلصنا كورس وانشاء الله ما بنخيب أملك .

هاد أجمل وأقوى كورس أكاديمي شامل باخده بحياتي وانشاء الله شوف اسمك مع أهم مهندسين بالبلد والعالم واكيد حكمل معك بكورسات البرمج لأستفاد من خبرتك أستاذنا الغالي .🌸

أول شي حرام نقيم من 5 لأن عنجد والله تستاهل أعلى أعلى شي 100 من 5 

عنجد يا أستات top 

يعني انا حدا ما بحياتي حبيت النظري 

بس هلق صرت حبو كتير بفضلك 

وشرحك للجلسات حتى الكتاب كان كلشي رائع وعنجد صرت بنطر الجلسة مناطره 

عنجد عنجد نيال طلاب سوريا عليك 

واسمك ماشاء الله لحالو بيحكي عنك 

يارب وان شاء الله بنبيض باحلى علامة 

رأيي الشخصي : الأسلوب فوق الوصف يعني من حيث ترسيخ المعلومة بالذهن أو من حيث شرح المعلومة الأسلوب جدا مدروس 

أنا بعد الكورس حسيت اعطاء الكورسات والدروس قن وموهبة ومو الكل بيمتلكا بالرغم من أنو ممكن يكون في مدرس تاني عندو نفس المعلومات بس مارح يقدر يوصلا بنفس الجودة ....

المنهاج اذا الواحد اطلع عليه بشكل كامل قادر مو بس يقدم وطني بثقة بل قادر كمان تزيد ثقته بنفسه ك مهندس بمجال العمل . 

الكمال لوجه الله بس انت بيرفكت استاذ 

طريقة ابداعية بانو تربطلنا الحدث بش ما ننساه وبنفس الوقت بيصير عنا انجذاب للمعلومة رغم انه ما بنحب القسم النظري وما بنحس انه الوقت طويل او ممل _ طريقتك فعالة والمصداقية بالتصليح العملي وعدم المجاملة هاد شي جدا حلو ......

كله منظم مافي حدا عم يقاطع 👍 

الله يعطيك العافية من أحلى الكورسات وقريبا انشاء الله بتمنى أخد عندك كورسات تانية ونشوف اسمك من المهندسين المعروفين يلي الن بصمة بسوريا وانشاء الله يوصل اسمك للعالم كلو النا الشرف بمعرفتك استاذ أمير المبدع 🧡

اتشرفت فيك وتعلمت منك كتير ليس فقط من الجانب التعليمي على جوانب كثيرة وعملية في الحياة واذا كنت ممتنه للعمل الذي كنت أعمله من قبل فقط لأنه اعطاني الحافز لطلب التعلم والتعرف الى حضرتكم 

يعطيك العافية استاذ والمزيد من التألق ان شاء الله 

برايي ما ضل أحسن من هيك مافي سلبيات أبدا 

أكتر شي لفتني بالكتاب والجلسات هو التراتبية في ترتيب المعلومات وتنظيم بيجنن وشمولية كبيرة كتير مغطي كل مناهج الجامعات 

صبر وبال طويل وما بتهمل ولا أي فكرة قد ما كانت بسيطة 

والحمد لله انه كنت معك واستفدت من هالمعلومات 🙏🙏🧡

 ما شاء الله تبارك الرحمن صرلي ١٨ سنه عم ادرس اول مرة بحضر هيك كورسات مع افضل مهندس من دون ملل دروس ال٤ وال٥  ساعات ومستعدين نضل لل١٠ ساعات 

اسلوب ما شاء الله   قمه في الاعطاء خاصه دروس الاون لاين الي ساعدتنا اي وقت نكون مع الكورس  وننسى البعد والمواصلات دروس قدرت توصل لكل طلاب سوريا أثمن المعلومات 

🌷الاستاذ امير الدين حمامي  كنز معماري  🤍

 تمكن  معلمنا وقدوتنا في العمارة إعطاء الدروس كنا بقمه النشاط ومافي ملل ابدا 

روح الاستاذ المرحة  وتقبلاته لكل اسألتنا  وجوده معنا لحظه بلحظه ... 

الشخص الي عطتنا حب للعمارة بعز فتره الامتحان الي كل طالب بكون بقمه الكره للفرع وتعبه 

عطانا حب للفرع وان رح نكفي خطواتنا المعمارية والتميز 

 💐رئيي في الاستاذ أمير الدين حمامي💐

 الاستاذ أمير كنز العمارة الماضي والحاضر والمستقبل.... 

بارك الله في هذه الشخصيه العظيمه لكل ما قدمت وأعطت من حب وخير ومعلومات  

وليجزها الله عنا كل خير 💐💐💐

اسلوب المدرب حلو وممتع لذهن المتلقي مع منهج متكامل شامل حارق خارق 

أول مرة بجرب كورسات الأونلاين وكتير عجبني 

ياريت لو بالادقية لنضل نعمل دورات عندك كتير استفدت وحبيت الشرح 

تعبت معنا كتير شكرا من القلب 🧡

• التقييم 5 على 5 أكيد 

• المحاضرات ممتعة كتير والأسلوب فكاهي بتثبيت المعلومات رائع 

• مافي شعور بالملل أبدا 

• الراحة النفسية بسبب طريقة التعامل وتقبلك لأسئلتنا بكل رحابة صدر خلال الجلسات او ع الواتس (ردك علينا بأي وقت وفروا ) 

• دعمك  ورفع المعنويات 

• المعلومات من مصادر موثوقة 

باختصار كل معلومة قالها المدرب ما نسيتها وهاد دليل على اسلوب الشرح المفيد 🤝

اسلوب واعطاء جميل وبسيط وهي موهبة مانها موجودة عند كتير مدربين _ كلمة الشكر قليلة بحقك ... كما يقال : 

فـإِنْ أَصـبـحـتُ مُـنْـتَشِياً بنُعْمى......................... تُـواليـهـا فـشُـكْـرُ الحُـرِّ صَـاحِ 

وقَـلَّ لِمَـنْ جَـلا الإِظـلامَ عَنِّي...........................ولَقَّى نــاظِــري وَجْهَ الصــبــاح

هي بالعصر الأندلسي 😂 منيح ما بيجنا بالفحص هيك شي 

دعواتك النا ..... وفضلك  علينا أكيد مارح ننساه 🧡

كورس أكتر من رائع من انسان قبل ما يكون استاذ وقامة كبيرة من قامات العمارة يلي اتشرفت وانبسطت اني بيوم كنت طالبة من طلابك استاذي ☺️💜

يلي صار انو بهاد الكورس وبعد طريقتك رجعت حبيت العمارة ورجع شغفي وفضولي اني اتعلما وادرسا واخل بتفاصيلا اكتر بمساعدتك اذا ممكن هل أكيد 😍

شكرا استاذ ع كلشي وع تعبك وسهرك مشانا ...... الله يقويك ويجزيك كل الخير يارب💜

شامل ورائع ومقدم بكل صدق واخلاص من الأساتذة يلي ما شفناهم من أيام البكلوريا بهل الاخلاص..  

اول شي شكرا الك استاذ اولا ع تعبك وجهدك اللي مبين بشكل واضح كتير بكلشي ان كان بالدورة وان كان بالكتاب او بالشغل ع الملفات وتجميع المعلومات وتانيا ع تعبك معنا نحن طلابك يلي ما حسستنا غير انك أخ كبير بالنسبة النا وابدا ما استاذ وطلابه 

فكرة الدورة اونلاين عطتنا فصة أنو نستفاد منك على الرغم من اختلاف المكان يعني لولا دورتك مان بدي دور ع حدا بالادقية واخد عنده وكون محكون باللي موجودين 

وممكن ما استفاد عند أي حدا والدورة كانت كتير مفيدة وبالنسبة الي ولكل اللي بعرف انو حضروا معي وكتير فادتني انه جمعتلي المعلومات بمكان واحد ما خلتني دور عليهم هون وهون وممكن جيب وتطلع غلط ... 

شكرا الك جزيل الشكر استاذنا الغالي وانشاء الله منصير زملائك بعد بكره وبنحككي وبنخبرك اعملنا منيح 

انشاء الله يصحلي فرصة التقي فيك بالمستقبل وانشاء الله يصحلي فرصة اشتغل معك يارب ويجزيك الخير ع تعبك ويعطيك الف عافية 🧡

بصراحة انت أكبر وأحلا وأفضل شي ممكن يوصله الطالب قبل الامتحان الوطني لانو يكون ضايع ويلافي الفرج والطريق السليم والفائدة الكبيرة بالوقت القصير .

من كل قلبي الله يعطيك ليرضيك .... انا بعرف مدا التعب لي بذلته لحتى توصل لهاد الشي لي انت عم تعطيه وخصوصي الكتاب .......بس انشاء الله أجرها كبير عند ربنا .... الي الشرف بمعرفتك 🧡

كان درسنا شيق ومثالي وفيه كميه معلومات هامة بالنسبة الي فهمت المواد بهل الشهر أكتر من 5 سنين يلي درست فيهن بالجامعة ....شكرا كتير الك استاذ أمير 

بصراحة انت أكبر وأحلا وأفضل شي ممكن يوصله الطالب قبل الامتحان الوطني لانو يكون ضايع ويلافي الفرج والطريق السليم والفائدة الكبيرة بالوقت القصير .

من كل قلبي الله يعطيك ليرضيك .... انا بعرف مدا التعب لي بذلته لحتى توصل لهاد الشي لي انت عم تعطيه وخصوصي الكتاب .......بس انشاء الله أجرها كبير عند ربنا .... الي الشرف بمعرفتك 🧡

حابب اتشكرك ع الجلسات الامتحانية اللي عملتلنا ياهن كتير استفدت منهم والله .. 

بس اموري بالتخطيط كانت شوي مخبصة انا أول مرة هي حضرت عندك بس ان شاء الله رح سجل عندك غير كورسات لانو قلبك دائما مع الطالب وما بتبخل بالمعلومات ع حدا

شكرا من القلب ❤️

طريقة اعطاء واضحة والأسلوب بيجنن رغم انو ما كنت مسجلة بكورس التميز والابداع الكامل بس حسيت انك غطيت كلشي بالجلسات بسلاسة 

رايي انو عطيت جهد كبير وتعبت معنا أكتر مننا كمان فشكرا كتير الك والله يعطيك العافية على تعبك 🌸🌸❤️

شرح 5 ع 5 بسبب الطريقة الحلوة يلي قدر يوصل فيها جميع المعلومات بكل سلاسة 

كل الشكر أستاذ أمير ما قصرت وانشاء الله نكون عند الثقة ونجيب نتائج تستاهل تعبك معنا ❤️

الله يعطيك العافية استاذ كان عندي ظرف صحي وما قربت عالنظري ابدا وما كنت متوقعه اني ممكن لحق بس من ال 3 جلسات اللي عملتهم  قبل الفحص عندك استفدت كتير شكرا الك ❤️

أفضل كورس حضرتوا بحياتي مع حضرتك طريقة ايصال المعلومات بسلاسة وبطريقة سهلة التواصل كان كتير ممتع مع حضرتك ما حسينا بطريقة الأستاذ وتلميذة كنا متل العيلة بالكورس 

شكرا الك من كل قلبي افضالك علينا كتيرة وان شاء الله نقدر نردلك جميلك وننجح الكل بالوطني حتى ما يضيع تعبك معنا 

كل الحب والاحترام استاذي ❤️

شرح تفصيلي ممتاز لكل الأفكار واجابة على جميع الأسئلة تعامل جميل ولطيف مع الطلاب ((بصراحة ندمت لان ما سجلت من قبل هي الدورة ))

شكرا كتير لحضرتك

الدروس مفيدة كتيتتتتير واحسن من دراسة خمس سنين بالكلية عنجد 😂 والكتاب في معلومات مختصرة ومفيدة وكلشي عطيتنا ياه باسلوبك استاذ بعلق براسنا ختا لو ما رجعنا عدناه واكيد لازم نتشكرك ع بالك الطويل واسلوبك المميز شكرا كتير الك ❤️

أولا وقبل كلشي شكرا كتير كبيرة ومن القلب لأحلى أستاذ مرق على بتاريخ العمارة

أنا بطالب يكون في متل حضرتك بكل جامعه حتى تستفيد وتاخد معلومات خفيفة وبطريقة مهضومة وتنحفظ مدى العمر فبعتقد التقييم واضح 😃

أستاذ أمير شكرا عنجد من كل قلبي 

درس اليوم كان جدا ممتع ومبسوطة وفخورة انوعنا بسوريا 

مهندسين متلك 

شكرا لأن جد كمن ضايعة لحد مبارح بعد الدرس انا كتير متفائلة وبندم كتير انو ما عرفتك قبل بوقت ❤ بس جاية الأيام نتدرب عندك كمهندسين ناخد خبرة منك 

أنا كنت رافضة تماما فكرة الدروس أونلاين بس من بعد ما جربت مع حضرتك تحمست لاحضر 3d s max يعطيك الف الف عافية استاذ ❤️❤️

اتشرفت بمعرفتك وثانيا كان لازم اتشرف بمعرفتك من قبل بغض النظر عن الفترة القصيرة اللي تواصلت فيها معك 

وبغض النظر انو كل اللقاءات كانت ع النت 

لكن في شي بالانسان بريح بس تشوفو وهاد الشي كان موجود فيك شكرا الك 

طريقة القاء مشوقة ومبسطة 

بصراحة أكتر من رائع وندمت ما اتعرفت ع قناتك كل هل السنين بمراحلي الدراسية أو ياريت لو اني ملحقة كورساا يلي قبل كورسي ال c5 

رأي الشخصي من أفضل وأقوى المدربين وأمتع الكورسات التي تابعتها 

بصراحة انا كنت ضد تماما كورسات الأونلاين قبل هاد الكورس بس غيرت كل وجهة نظري شكرا كتير الك استاذ عكلشي وعكل التعب وانشاء الله للقاء بكورسات تانية 

كلشي كان رائع والأستاذ أمير كان راقي كتير ومتمير التعامل وطولة البال ..

الله يعطيك الف عافية استاذ أمير 🩵

بدنا استراحة كل ساعة ونص لتجديد النشاط وفنجان القهوة 😂😂😅😅😅

طريقة القاء رائعة وهادفة جدا جدا جدا ,أفضل مدرب خلال مسيرتي التعليمية كلها ,مشكور لجهودك ولتعبك ولكل كلمة وكل حرف كنت عم تحكي تعبت معنا كتير استاذ بس انشاء الله بنعوض تعبك بعلامات عالية ونكون عند حسن ظنك 

كلمة الشكر قليلة عليك جدا استاذنا ❤️

الطريقة أكثر من ممتازة بتخلينا نحفظ الملعلومة حتى لو ما رجعنا درسنا 

عنجد كتير اتعبت معنا ووصلتلنا المعلومات متل مو لازم , الله يعطيك الف عافية استاذ 🙂🙂

استاذي الغالي الراقي 

شكرا لجهودك المبذولة معنا استمتعت واستفدت من حضرتك كتير 🧡

الله يوفقك يارب ويعطيك عقد نيتك لأنك بتستاهل 🧡

كلشي كان رائع والأستاذ أمير كان راقي كتير ومتمير التعامل وطولة البال ..

الله يعطيك الف عافية استاذ أمير 🩵

بدنا استراحة كل ساعة ونص لتجديد النشاط وفنجان القهوة 😂😂😅😅😅

طريقة القاء رائعة وهادفة جدا جدا جدا ,أفضل مدرب خلال مسيرتي التعليمية كلها ,مشكور لجهودك ولتعبك ولكل كلمة وكل حرف كنت عم تحكي تعبت معنا كتير استاذ بس انشاء الله بنعوض تعبك بعلامات عالية ونكون عند حسن ظنك 

كلمة الشكر قليلة عليك جدا استاذنا ❤️

لولاك ما كنت بضمن انجح حتى 

الله يعطيك الف الف عافية ع كلشي قدمتو وعم تقدمه 🌻🧡

شغل وتحضير كتير رائع وشكرا للجهد الكبير بجمع المعلومات وتحضير الكتاب يلي يعتبر مو بس مرجع للوطني حتى (لما بعد الوطني والوطنيون) وشكر للمدام عهد كمان ما ننسى العامل الأنثوي 💎❤ شكرا لجلدك وقدرة تحملك لضغط الأسئلة واستيعابك لكل الفئات وان شاء الله بتشوف معنا نتائج ترضيك وترضينا ومرجع نلتقى بكورسات تانية على خير 🤝🧡🧡🧡🧡

يعطيك الف عافية استاذ تعبت معنا كثير وقدمتلنا كثير من الاهتمام والوقت والمعلومات والشرح المفصل ... بتمنى انجح بحياتي العملية متلك وبتمنالك كل التوفيق والصحة 

طريقة لطيفة وخفية ونظيفة 

الحضور اونلاين انسب واريح كل الشكر الك استاذ على هالكورس المميز الرائع الله يزيدك علم يارب والكتاب كمان كان ثمين جدا وكنز فعلا 

الله يوفقكم انت والمهندسة عهد ❤

أول مرة بحضر جلسات أونلاين وكانت افضل بكتير لان ما بيصير نقاشات جانبية وبيكون وقت الدرس وقت فعلي 

يعطيك الف عافية ما قصرت وكانوا ايام حلوة وانشاء الله مستمرين بكورسات تانية ❤️

الله يقويك ويخليلنا يلي رجع حببنا بالجامعة ومتل ما قلتلك استاذي 

جامعة ناقصها حدا متلك بكادرها ويارب عن قريب اذا حاطط ببالك 🧡🧡

بيغ لوووف لألك ولكل تعبك معنا ولأتو كنا تحت اشرافك انشاء الله حتكون علامتنا حلوة 🥹🧡

الله يعطيك العافية يارب استاذ وينولك يلي ببالك ومنها للأعلى يارب كنت بالنسبة النا أستاذ واخ والله وان شاء الله منكون عند حسن ظنك يارب ومنجيب اعلى علامة ترفع راسك فيها 

دورة ناجحة بامتياز كوني اول مرة أقوم بحضور دورة اونلاين من حيث الشرح والمعلومات الكاملة والوافية 

بالتوفيق استاذ وشكرا كتير على كلشي وان شاء الله منجيب علامات ترفع راسك ❤

من جهتي ما الي اسبوعين متخرجة كنت مستحيل أتخيل أدرس ولا بعرف من وين بلش بس طريقة اعطاءك واسلوب العرض بسطلي الأفكار 

دعيلنا نترفع وشكرا مرة تانية 🌸🌸

أستاذ رائع بالاعطاء وتوصيل المعلومات وتمكين الطالب من فهمها وحفظها ويعطي تفائل وحافز لتقديم الامتحان بثقة تامة ان شاء الله نكون عند حسن ظنك 

شكرا كتير الك أستاذ ❤️

شكرا الك استاذ استفدنا واتسلينا وانبسطنا معك كتير 

مدرب رائع في قدرته على ايصال الأفكار بطريقة سهلة ممتعة 

يعطيك الف عافية استاذ ما قصرت وكان الكورس شامل 

بس برأيي لو ماكان أونلاين كان أحسن بسبب ظروف النت السئ يلي عندي 🙂🙂

جميل جدا ومنظم ومتكامل وأسلوب مميز لايصال المعلومات بشكل سريع وسهل 

5على 5